Ángel Ruiz de Apodaca

Licenciado en Dereito pola Universidad de Deusto, Máster en Dereito do Medio pola Universidad del País Vasco e Doutor en Dereito pola Universidad de Navarra na que obtivo o Premio extraordinario de doutorado.
Na actualidade Profesor Titular de Dereito Administrativo da Universidade de Navarra. É profesor visitante doutras universidades, masters e cursos de posgrao. Foi investigador principal do Proxecto “Gobernanza en los procedimientos administrativos de gestión el riesgo” financiado polo Ministerio de Ciencia e Innovación e do proxecto “Red europea de gestión del riesgo” financiado polo Goberno de Navarra.
O seu ámbito de investigación centrouse principalmente no Dereito administrativo ambiental e dentro deste nos sectores de augas, residuos, impacto ambiental e enerxía. Autor de varios libros, artigos e capítulos de libros na área do Dereito público (ambiental e administrativo), colaborou tamén na elaboración de textos normativos en materia ambiental con diversas Administracións Públicas e no seu asesoramento. Así mesmo participou como relator invitado en numerosos congresos e xornadas.